,

حكايات شباب تونسي… سمر سمير مزغني متحصلة كأول تونسية على شهادة دكتورا من جامعة كامردج

حكايات شباب تونسي…
بعد ما شفنا في الخمسة السنين ملي بدات الجمعية تنشط اكثر من عشرة الاف شاب وشابة من 24 ولاية تونسية، وشفنا قداش نسبة الشباب الناشط الي للاسف ما يمثل كان 7% من 57% نسبة شباب اقل من 35 سنة حسب وزارة الشباب والرياضة. قررنا بش انقوموا بمقالات بالتونسي حول حياة بعض التوانسة الي منهم الي نعرفوهم او الي نشطوا معانا ومنهم الي انتوما بش تعاونونا نحكيو عليهم…
Résultat de recherche d'images pour "iidebate"
للاسف في تونس كيما في برشا بلدان في العالم نحكموا على الكتاب من غلافو ومنشوفوش المتخبي الي يمثل جزء كبير من تكوينو ووصولو للنتيجة الي ناس تشوفها اليوم…
اول مقطتفات من سلسلتنا خصصناها لانسان عزيز علينا برشا، من بين الاشخاص في تونس الي آمنو انو بعد 2011 المناظرة ما تنجم كان تكون وسيلة لتغيير عقليات الناس… المناظرة في المدارس، المعاهد الثنوية والجامعات تنجم تخلق فارق كبير في حياة الناس… والقصة هذي هي قصة سمر سمير مزغني…
Image may contain: 1 person, smiling, standing
تم ادراجها في كتاب غينيس “اصغر قاصة في العالم” في 23/10/2000 و ادراجها “الكاتبة الغزيرة الآنتاج الأصغر في العالم” في 25/04/2002.
سمر رغم صغر سنها واصلت في المثابرة حتى لين وصلت في 2009/2010 تناضل في سبيل حرية الكتابة وكانت تنتقد قمع حكومة بن على في حرية التعبير خلال المؤتمرات الي شاركت فيهم خارج الوطن… ورغم هذا لم يتم إعتقالها بما انها رايت الشباب التونسي…
سمر في 2011 قررت تنضم للمركز الثقافي البريطاني في البرنامج الجديد “صوت الشباب العربي” وقامت بالشراكة مع جمعية “AIESEC” اطلاق اول نوادي مناظرات في الجامعات والمعاهد الاساسية. فكرة عرفت برشا قبول وبعد سنتين تم قبول سمر في برنامج “chevening” وقررت انها تواصل دراستها في جامعت برمنڨهام الانڨليزية. رغم بعض الصعوبات المالية الي تعرضتلها لمواصلة دراستها فانها ثابرت للحصول على منح لاكمال الحل ومواصلت الدكتورا بعد ما تحصلت على الماجستار…
سمر اليوم اول تونسية تتحصل على الدكتورا من جامعت كمبريدج بعد ما  اشتغلت عليها اكثر من ثلاثة سنين…
و مانقتصروش في حكايتها كان على الماجيستار والدكتورا، صنفت سمر في عام 2009 ، في مجلة أرابيان بزنس بين أفضل ثلاثين رائدي  أعمال عربية تحت سن الثلاثين ، وفي عام 2013 ، كونها واحدة من أكثر النساء العربيات نفوذا  و كانت في نفس العام  بين 100 امرأة تميزت بهيئة الإذاعة البريطانية.
في 19 سبتمبر 2016 ، تم اختيارها من من بين 17 القادة الشباب لأهداف التنمية المستدامة للأمم المتحدة بعد اختيارها من قائمة تضم 18000 اسم.
Image may contain: 2 people, indoor
و كانت سمر وراء حث مؤسسي المعهد الدولي للمناظرات الي كانوا في برنامج صوت الشباب العربي وإلي ساعدتهم في تطوير قدراتهم لمواصلت المشوار رغم كل الصعوبات الي تعرضولها في فترت التأسيس…
ومن حكاية سمر انجمو ناخذو عبرة انو: ما يجي شيء بالساهل اما اذا الواحد احط الهدف قدامو ويعمل كل ما بوسعو بش يخلطلو يكون عندو اكثر حظ من غيرو…
وهذه حكاية من حكايات شباب تونسي ينجح إقدم وبش نتعرفو في الاسابيع الجاية على حكايات اخرى… اذا عنكم امثلة تنجموا تبعثولنا على صفحتنا
فريق المعهد الدولي للمناظرات
احنا زادة انّـجّـمُوا!
We (Too) Can Do It!
– سمر سمير المزغـنّي تـتحصّل على أول دكتوراه في تونس من جامعة كامبريدج (منذ تأسيس الجامعة سنة 1209) –
– Samar Samir Mezghanni, first Tunisian to get a PhD from Cambridge ever (est. 1209). –
#WeCanDoIt
#TunisianWomen
#TunisianPower
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *